Ons Storie
Ons het in 2019 by 'n vriend se braai in Pretoria ontmoet — Anel het die malvapoeding gebring, en Pieter het beweer hy het die potjie gemaak (dit het hy nie). Ses jaar, twee stede en een baie bedorwe worsdassie later het Pieter die groot vraag gevra op 'n ryperige oggend in Clarens, met die Maluti-berge agter ons. Nou trou ons in die Stellenbosch-wynland, omring deur die mense vir wie ons die liefste is. Ons kan nie wag om saam met jou te vier nie — verwag goeie wyn, beter kos, en minstens een oom op die dansvloer teen 21:00.
